Romance - Partitura

Romance - Letra

Xan Quintan queria casarse
non tiña muller buscada
foille facer o amore
a filla da tia Xuana

Boas noites tia Xuana
onde lle vai a rapaza
vai buscar o gas pra noite
xa me parece que tarda

Enesto entrou a rapaza
metendo portas adentro
boas noites Xan Quintan
traote no pensamento

Download

Romance - Letra

Xan Guindán querse casar,
non ten a muller buscada;
foille face-lo amor
á filla da tía Xoana.
- Boas noites, tía Xoana,
¿donde lle vai a rapaza?
- Vai buscar o ghas prá noite,
xa me parece que tarda.
E logo entróu a nena
pola porta para dentro.
- Boas noites, Xan Ghindán,
traiote no pensamento.
- ¿E logho a ti quén cho dixo?
¿Seique foi Noso Señor?
Agora quero casarme,
véñoche facer o amor.
Xa sabes que son soliño,
non teño con quén partir;
eu riquezas non as teño
pero habemos de vivir.
Teño unha cabra mui boa
e tres ovellas preñadas,
unha pitiña que pon
os oviños prás torradas.
A cabra éche moi boa,
que trouxo catro cabritos;
mentres dous están mamando
outros dous andan a brincos.
Xa che fixen o amor,
non teño máis que dicir.
Se me queres dío axiña,
que me quero ir a dormir.
-Eu casar, ben me casaba,
pero tamén che hei contar:
quero facer unha saia
e teño a lá por fiar;
teño os zapatos rompidos,
i un pano todo furado;
si tes cartos, cómprame un,
casámonos de contado.
Fixeron as moniciós
como é uso acostumbrado,
e leváronllas ó cura,
que as lese de contado.
O cura léullas logo
no afertorio da misa;
a xente que as oía
a todas lle servíu de risa.
Ó cura chocóulle o conto
da risa dos feligreses,
que nunca outro tal se víu
na montaña dos lugueses.
Á nena déulle vergonza,
i afellas aínda servía.
Cando se foi casar
díxolle que non quería.
O cura quedóu pasmado,
nunca outro tal lle pasara;
caéulle o libro da mau
coa risa que lle daba.
O padriño i a madriña,
o cura i o sacristán
encheron o corpo de risa
cos feitos de Xan Ghindán.
Xan Ghindán quedóuse teso
como as vergas dun canizo,
pegóu a volta prá casa
e siquiera adiós lles dixo.
Alerte, alerte, mociños,
con caiades na rateira,
non vos fiedes das mozas
en tanto que estén solteiras.
Á mociña que é bonita
e ten o corpo ben feito
reparáille ben as obras
que lle salen do seu peito.
Alerte, alerte, mociñas,
as que sodes mui bonitas:
os mozos tiran ás mozas
como a raposa ás pitas.
Eu non ei qué poder tein
as mociñas desta terra
pe lles gustan moito ós mozos
no tempo de primaveira.

Download

URL Externa http://www.galego21.net/ravachol/media/romance.htm

Accións de documento

Canal RSS